Манай компани 2008 оноос олон улсын тээвэр зуучлалын чиглэлээр үйл ажиллагаагаа тасралтгүй явуулж, олон жилийн туршлага хуримтлуулж, мэргэжлийн баг хамт олныг бүрдүүлэн ажиллаж ирсэн.

Бид Солонгос, Хятад, Япон болон, Европын улс орнуудаас өөрийн агентийн сүлжээг ашиглан үйлчлүүлэгчдэд агаар, төмөр зам, далай, автозамын тээврийн бүх төрлөөр олон улсын болон орон нутгийн тээвэр ложистикийн иж бүрэн үйлчилгээг үзүүлж байна. Түүнчлэн манай компаний гол давуу тал болох хүнд оврын техник, уул уурхайн тоног төхөөрөмжийг тээвэрлэлтийг мэргэжлийн ур чадвартай оператор болон тээврийн менежерүүд өндөр түвшинд зохион байгуулан ачилт хийн иж бүрэн даатгагдсан найдвартай, түргэн шуурхай үйлчилгээг үзүүлдэг юм.

Мөн манай компани 2013 оноос барилга угсралтын тусгай зөвшөөрөл авч үйл ажиллагаагаа өргөжүүлж, улс аймгийн чанартай худалдан авах үйл ажиллагаанд амжилттай оролцож, захиалагч талынхаа хүсэл шаардлагад нийцсэн ажил үйлчилгээг мэргэжлийн өндөр түвшинд чадварлаг инженерүүд, хамтрагч байгууллага, баг хамт олноор хурдан шаламгай цаг алдалгүй гүйцэтгэж ирлээ.

Манай компани одоогоор үндсэн 10, гэрээт 100 ажилтантайгаар үйл ажиллагаагаа явуулж байна.