БИДНИЙ ТУХАЙ

Sustainable Fibre Alliance (SFA) буюу Тогтвортой ноос ноолуурын эвсэл ТННЭ нь Их Британи улсад төвтэй Олон улсын төрийн бус байгууллага. Дэлхий нийтэд ноолуур бэлтгэн нийлүүлэх сүлжээн дэх оролцогч бүрийн хариуцлагыг нэмэгдүүлэх жишиг стандартыг нэвтрүүлэх зорилготой байгуулагдсан.

Малчин өрхөөс үйлдвэрлэгч хүртэлх ноолуурын ханган нийлүүлэлтийн үе шат бүрт байгалийн нөхөн сэргэх чадамжийг тогтвортой хадгалах арга туршлага, шинэчлэлийн үйлсийг дэмжихээр 2015 онд байгуулагдсан.

АЛСЫН ХАРАА

Тогтвортой байдлын үзэл баримтлалд нийцсэн ноолуурыг нийлүүлэх чадамжийг бий болгох. Бэлчээрийн сэргэн ургах чадамжийг доройтуулахгүйгээр МАА-гаа тогтвортой эрхэлж буй малчдын бүлэг хоршоог зах зээлд холбох, ноолуурын үйлдвэрлэл ба худалдааг зөв шударга явуулах үйлсийн төлөө.

БИД ЮУ ХИЙДЭГ ВЭ?

ТННЭ нь малчдын хоршоод, боловсруулах үйлдвэр, төрийн, төрийн бус ба мэргэжлийн байгууллагууд, худалдан авагчид, шилдэг брэнд, худалдаалагчид хүртэлх ноолуурын нэмүү өртөг шингээх сүлжээг бүхэлд нь хамруулан ажиллаж байна.

• Ноолуурын үйлдвэрлэлийн тогтвортой байдлыг сайжруулахын тулд судалгаа шинжилгээ явуулах олон нийтэд сурталчлан таниулах
• Зах зээлд нэвтрэхийн тулд зохих эрэлтийг нэмэгдүүлэх урамшууллын арга замыг тодорхойлох
• Үнэн зөв мэдээлэлд тулгуурласан бодлогын судалгаа
• Тогтвортой бөгөөд тансаг ширхэгтүүдийн талаарх олон нийтийн хандлага, ойлголтыг сайжруулах үйл ажиллагаа явуулах.