Орхон-Энхбүтэмж ХХК нь анх 1999 онд үйл ажиллагаагаа эхэлсэн бөгөөд Орхон аймаг Баян-Өндөр сум, Зэст баг Хойд дугуйд өөрийн байранд тогтвортой ажиллаж байна. Манай компани нь 2001 онд ОХУ-с жижиг оврын тоног төхөөрөмж оруулж ирэн үйл ажиллагаагаа өргөжүүлэн ажиллаж эхэлсэн. Энэхүү жижиг оврын тоног төхөөрөмжийг оруулж ирснээр бид бүтээгдэхүүнийхээ нэр төрлийг нэмэгдүүлэхийн зэрэгцээ аймгийнхаа ард түмний хүнсний хэрэгцээг ханган ажилласаар 2011-2013 онд ажилчдынхаа хөдөлмөр бүтээмжийг сайжруулах, хөнгөвчлөх зорилгоор тоног төхөөрөмжөө орчин үеийн тоног төхөөрөмжөөр 100 хувь бүрэн шинэчлэн, мөн хөргөлтийн системээ сайжруулан томруулж хавар хэрэглэх мах түүхий эдийг чанарын шаардлага ханган нөөцлөн хэрэглэж байна.

Одоогоор манай компани нь өдөрт 5-6 тонн бүтээгдэхүүн үйлдвэрлэх хүчин чадалтай ОХУ, ХЯТАД, ГЕРМАН зэрэг орны тоног төхөөрөмжөөр бүрэн тоноглогдсон байна. Манай компани нь одоогоор хагас болон давхар утлагат хиам, чанамал хиам, төрөл бүрийн утсан мах, бууз банш, гахай үхрийн стейк зэрэг хагас болон бүтэн боловсруулсан 30-аад нэр төрлийн бүтээгдэхүүн үйлдвэрлэн Орхон, Булган,Хөвсгөл зэрэг аймгуудын ард түмний хүнсний хэрэгцээний тодорхой хувийг ханган ажиллаж байна.