БИДНИЙ ТУХАЙ
Сувдан Тамир ХХК нь 2010 онд үүсгэн байгуулагдаж Барилгын хөгжлийн төвөөс олгогдсон тусгай зөвшөөрлийн дагуу барилгын дотор гэрэлтүүлэг, цахилгаан хангамж, холбоо дохиолол, интернэт сүлжээ, галын аюулын дохиоллын системийн угсралт, тэдгээрийн тоног төхөөрөмжийн суурилуулалтын ажлыг чанарын өндөр түвшинд гүйцэтгэж ирсэн. 2017 оноос Сувдан Тамир Электрик ХХК нэрээр үйл ажиллагаагаа өргөжүүлэн гадаад харилцаа, худалдааны чиглэлээр ажиллаж байна.

Өнөөгийн байдлаар 40 гаруй хотхон, орон сууц, сургууль, үйлчилгээний төв болон зочид буудал зэрэг томоохон төслүүдийг хийж гүйцэтгэсэн. Сувдан Тамир Электрик компанийн олон жилийн турш амжилттай ажиллах нөхцөлийг бүрдүүлсэн хүчин зүйлс нь компанийн удирдлагын туршлага, мэргэжлээрээ өндөр түвшинд бэлтгэгдсэн, туршлагатай, чадварлаг инженер техникийн ажилчид, холбоо дохиоллын инженер, цахилгаанчдын шаргуу хөдөлмөр, хичээл зүтгэл, харилцагчдын дэмжлэг, хамтын ажиллагаа чухал үүрэг гүйцэтгэсээр ирсэн билээ. Бид батлагдсан зураг, төсөв, шийдлийн дагуу барилгын ил болон далд монтаж, тоног төхөөрөмжийн угсралт суурилуулалтыг Монгол улсын барилгын стандарт норм, дүрмийн дагуу чанарын шаардлага ханган хийж гүйцэтгэж байна.