ТОВЧ ТАНИЛЦУУЛГА:

“ТЕХНОЖ Бизнес Инкубатор Төв" ТББ-нь анх 2005 онд “Бизнес” Сургалтын Төв нэртэйгээр үүсэн байгуулагдсан бөгөөд Улаанбаатар хотын дүүргүүдийн Хөдөлмөр Халамжийн Үйлчилгээний Хэлтсүүд, төслийн газруудтай хамтран ажил хөдөлмөр эрхлээгүй, орлого багатай болон бизнес эрхлэхийг хүсэгч иргэдэд зориулан бизнесийн сургалтуудыг хийж орлогыг нь нэмэгдүүлэх, шинэ ажлын байр бий болгоход нь туслалцаа үзүүлэн ажиллаж ирсэн. 2007 оны 4-р сард Хөдөлмөр Халамжийн Үйлчилгээний Газраас зарласан тендерт шалгаран “Технож” Бизнес Инкубатор Төв болон өргөжин ажиллаж байна.

ЗОРИЛГО:

Жижиг бизнес эрхлэхийг хүсэгч болон шинэ тутам байгуулагдсан аж ахуйн нэгж, бизнес эрхлэгч иргэдэд шаардлагатай иж бүрэн дэмжлэг туслалцааг үзүүлэн бойжуулах замаар тэдний хөгжлийн эмзэг эхний үе шатыг даван туулахад туслах улмаар өсөлтийг хангаж, зах зээлд эзлэх байр суурийг бэхжүүлэн, өрсөлдөх чадварыг нь дээшлүүлэх.

Бизнесийг дэмжих нэг цэгийн үйлчилгээ:

Технож Бизнес Инкубатор Төв нь Улаанбаатар Бизнес Хөгжлийн Төв, Нийслэлийн ЖДҮ-ийг дэмжих төвтэй хамтран нийслэлийн бичил жижиг бизнесийг дэмжих нэг цэгийн үйлчилгээг бий болгохоор ажиллаж байна. Үүнд байнгын лекц сургалт семинар, мэргэжилтнүүдийн зөвөлгөөнүүд, бие даан суралцах төв, үзэсгэлэн худалдаа, туршлага судлах аялал, онлайнд суурилсан үйлчилгээнүүдийг цогцоор нь хүргэх замаар бизнесийг тасралтгүй хөгжих орчныг бүрдүүлэх юм..