“Оюуныг тэтгэж, мэдлэг түгээнэ” уриатай ТМ телевиз /танин мэдэхүй/ нь нийгмийг соён гэгээрүүлэх, мэдлэг мэдээлэл түгээх зорилготойгоор өргөн нэвтрүүлгийн үйлчилгээ үзүүлэн орон даяар эфирээ цацаад 18 жил болж байна. Тэр дундаа улс төр, эдийн засаг, урлаг, соёл, түүх, танин мэдэхүй, шинжлэх ухаан, эрүүл мэндийн боловсрол олгох нэвтрүүлэг контентүүдийг түлхүү бэлтгэн хүргэж байна. Манай ”Таны мэдээ” мэдээллийн хөтөлбөр голлох байр суурийг эзэлдэг бөгөөд бид шинэ хэрэгтэй мэдээ мэдээллийг цаг тухайд нь шуурхай тэнцвэртэй хүргэсээр байна.

Түүнчлэн олонд хүрсэн Танил хүн, Бидний нэг, Бүтээл төрөх агшин, NEXT one, Нээлттэй сэдэв, Хариуцлагатай нийгэм, Иргэний индер, Таны эрүүл мэнд, Дуусаагүй түүх, Брэнд Тренд, Урлагийн аугаа бүтээлүүд, Дэлхийгээр аялах уу, Танин мэдэхүйн цуврал контент зэрэг өөрийн бүтээлүүдээс гаднаХБНГУ-ын Deutsche welle телевизийн дэлхийн цаг, Германд үйлдвэрлэв, Шинжлэх ухааны ололт амжилт, Евромакс зэрэг дэлхий нийтэд танил болсон нэвтрүүлгүүдийг 2006 оноос хойш албан ёсны эрхтэйгээр хүргэж байна.