Цалингийн орлогоороо байрны урьдчилгаа төлчихсөн, ашиглалтад орохыг нь хүлээж байна. Би МУИС-т Математикийн багш мэргэжлээр сурдаг. Санаанд ч оромгүй гэнэтийн тохиолдлоор анх Pizza Hut ресторанд ажилтнаар орж, 3 жилийн хугацаанд хичээн ажилласаар одоо салбарын менежерээр дэвшин ажиллаж байна. Ажилд орсон жилээсээ л цалингаараа Их сургуулийн сургалтын төлбөрөө төлж эхэлсэн. Тухайн үедээ улирлын кредитээ бага багаар сонгоод, хичээлдээ яваад хажуугаар нь ажлаа хийгээд... Хүн цагаа зөв хуваарилж чадвал бүх зүйл болдог юм байна лээ. Одоо цалингийн орлогоороо байрны урьдчилгаа төлчихсөн, байраа ашиглалтад орохыг нь хүлээж байна. Анх ажлаа сураагүй, бас ачаалалтай шантарч байсан үе зөндөө байсан ч менежерүүд маань чи чадна аа, болно оо гээд маш их урам зориг өгдөг байсны хүчинд би менежер болтлоо дэвшин ажилласан гэж бодож байна. Цаашдаа ч хамт олонтойгоо гар нийлэн хичээнгүйлэн ажиллах болно. Шинээр ажилд орж байгаа хүүхдүүдэд хэлэхэд эхний үедээ мэдээж хэцүү санагдана харин өөрийгөө дайчлаад ажлаа гартаа оруулж чадвал бүх зүйл боломжтой, үүд хаалга нээлттэй шүү гэж хэлмээр байна. Бүх залуу үеийнхэндээ, үе тэнгийн залуустаа амжилт хүсье. Pizza Hut Сансар салбар, Ээлжийн менежер Б. Өнөржаргал