Хидео Савада Хан Ресорт ХХК нь 2005 онд байгуулагдаж, 2008 оноос эхлэн дээд зэрэглэлийн ресорт зочид буудлын чиглэлээр үйл ажиллагаагаа амжилттайгаар явуулж байгаа бөгөөд нэг дор 50 хүн хүлээж авах чадал бүхий дээд зэрэглэлийн гэр ресторан, кафе террасд мастер тогоочийн бэлтгэсэн франц, итали, япон, монгол зоогоор үйлчилэх, монгол гэрийг өрнийн интерьер дизайнаар тохижуулсан 25 делакс өрөөгөөр үйлчилдэг.

Монгол орныхоо үзэсгэлэнт тал, цэвэр агаар, нүүдэлчдийн аж амьдрал, ахуй соёл, зан заншлыг сурталчилах, монгол гэрийг олон улсад болон монголчууддаа сурталчилан таниулж, дэлхийн жишигт хүрсэн үйлчилгээг бий болгохыг эрхэм зорилгоо болгон, Монголын аялал жуулчлалд нэгээхэн хувь нэмрээ оруулан ажиллаж байна.

Манай компани нь хотоос 45 км зайтай Төв аймаг, Хүй Долоон худагт байрлалтай ресорт зочид буудал юм.